منتديات مسجد الشيخ أمير محمد البربغي

فرت بلا قناع

بالله اسـتـعدي لـلـبواجي يــم لـبنين
ردّوا يـتـامى وانـذبح عـبّاس وحـسين

يَـم الـبنين اتـذبّحوا كـلهم عـلى القاع
و حـسين ظـل امـجرّد ومكسور لضلاع
ومـخدّرة حـيدر عـلي فـرّت بـلا قناع
ويّـا الـحرم و الـنّار تـسْعَر بالصّواوين

يَــم الـبنين الأربـعه انـذبحوا ظـمايا
و ظـلّـوا ثـلـثتيّام بـالـغبرا عـرايـا
و لـيتج نظرتي عْلَى النّهر صاحب الرّايه
مـفضوخ راسـه مـقطّعه شـماله وليمين

يَــم الـبـنين الأربـعـه مـحّد دفـنهم
دمـهم غـسلهم والـتّرب صـاير جـفنهم
ومـن الـصّبح زيـنب مشَت للشّام عنهم
فـوق الـهزل مـرّت وشـافتهم مطاعين

يَـم الـبنين الأربـعه تـشهد لـج النّاس
مـاصار بـلْيوث الـحرايب مـثل عبّاس
خـلاّ الأرض روس وجثث ومطهّمه داس
روس الأعـادي وغـلّق الـميدان صوبين

صـاحت اولادي وكـل مـن بالعالم يروح
و يـا لـيت بـعد حسين ما تبقى لنا روح
يـا بـشر بالله لاتـقول حـسين مـذبوح
مـاشوف بـالدّنيا عـوضعندي عن حسين

عـبّـاس و اخـوانـه عـليهم ذاب لـفّاد
أعزاز عندي و حـزنهم بـالقلب وقّاد
وحـسين فَـتْ قـلبي ونسيت افراق لَولاد
فــدوه لـبـوسكنه أولادي يـا مـسلمين

يـا لـيت عـندي مْن الولد سبعين مولود
بـالمرجله كـلها مـثل عـبّاس و تـزود
تـنذبح و ابـن الـمصطفى لـدياره يعود
سـالـم و لا تـنضام زيـنب والـخواتين

ملا عطية الجمري رحمه الله