جاني واحد وقال .......

[أم سيد يوسف]

بسم الله الرحمن الرحيم

اللهم صلِ على محمد وآل محمد وعجل فرجهم


جاني واحد و قال : بسأل كم سؤال

وقبل ما يسأل قلت : أنا ماني خبير

قال: جاوب بس يا ولد الحلال وكل كلمه حطها .. في بيت صغير

قال نبدي : ماهو تعريف المُحال ..

قلت : خل ها لكلمه فـي البيت الأخيـر ..

( القهــر ) : إن شفت دمعـات الرجال ..

( والأمل ) : إحساس في عين الضرير

( والوفا ) : قلبين .. يجمَعهُم حلال ..

( والرجل ) : اللـي علـى أهلـه يغير

( والغلا ) : إحساس إلى حـد الخيال

( والعِشِق ) : لا شفت مَعشُوقك تطير ..

( والجفاء ) : اعكس مفاهيم / الوصال

( والوصل ) : يعنـي تأكـد فيك خير ..

( والعقل ) : تسفـه أقاويـل الجهال

( والجهل ) : إن قلت عن نفسك كبير ..

( والخطر ) : لا صار ما عندك مجال

( و البلاء ) : إن صرت معدوم الضميرٍ ..

( والعجب ) : لا صرت تسأل منهو قال

( والتعب ) : إن كنت تبحث عن مصير ..

( الغنى ) : بالنفس ما هو راس مال

( والفقر ) : من كان .. بأعماله فقير ..

قال يكفي يكفي أسئلة ... انهي الجدال
يعني وضعك بين مِن حولك خطير ..

صاحبـي وإن ضاقت بعينك ليال
لك فرشت القلب مفروش الحرير ..


في[ بلاد الحلم ].. ممنوع العقال
والمصيبة الشعب ما يحكم الضمير ..

وما ألومك .. كان شدِّيت الرحال ..
دام بيتك جرح / وفراشك حصير

و هذا تعريفي إلى كلمة : ( مُحَال ) ..
شيء ودك فيه ولا يمكن يصير


..... منقووول .....

[بربغي]

جميل جدا

شكرا جزيلا لك اختي الكريمة

خالص التحيات