منتديات مسجد الشيخ أمير محمد البربغي

مرسل: **الأحد نوفمبر 23, 2008 10:34 pm**

الشاعر عريان سيد خلف

جيت اوصفك و بقاوافيي اعتينيت و عشر من عشر العشر ما وصفن

شرد اوصفك وانته ابن عم الرسول وانته تشهدلك يا علي سوح المحن

اتصير كلك سيف لو صار النـزال و اليجيك ايحضر الروحه الجفن

منهو مثلك يا علي انطرله الجدار و بيك انتخن بالطلوك العسرن

حته امك يا علي تتنخه بيك بيك تطلك و انتخت يا ابو الحسن

...................

انته من صغرك علي ما خوفوك تكطع ايده اليريد من عندك دمه

نمت و بفراشه وجنت بعدك صغير و تدري هليله قريش تداهمـه

بيك عرفو يا علي و ما داهموك جبل وشلون المعاول تهدمــه

كراب صارتله الجماجم ذوالفقار في بدر ياحيدره و تكطر دمه

وبأحد دين النبي سيفك حمـــاه و انته سيف الله ياهو اليثلمه

وابن ود العامري يوم اعتناك النبي ناده الجليل و كلمه

ان شئت تعبد و ان شئت تموت وجانت الضربه العضيمه الحاسمه

خيبر تعرفك بكرار الحروب مرحب بسيفك كدرت اتحاكمه

انته بيرغ يا امير المؤمنين و نعمه للاسلام من رب السمه

انته رباك النبي الهادي و بخبزته و مايه جنت اتجاسمه

كبرك و انطاك من صلبه البتول و انته تستاهل يحيدر فاطمه

.....................

و انته باقي وشماتمر بيك السنين علم و اوتاد الارض ذريتك

حكه اذا كاع النجف تتباه بيك والف خيعونه الصابح كبتك

لان امك دون كل العالمين انشق جدار الكعبه اله و جابتك

مدري يطلك بيك و انشق الجدار مدري بطن امك يحيدر طلكتك

مرسل: **الأحد نوفمبر 23, 2008 11:40 pm**

أحسنت أخي
شـكــ وبارك الله فيك ـــرا لك
لك مني أجمل تحية .

مرسل: **الاثنين نوفمبر 24, 2008 1:26 am**

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

السلام عليك يا امير المؤمنين

اختي الحب احساس

اختيار موفق

بارك الرحمن بك ورعاك

مرسل: **الاثنين نوفمبر 24, 2008 8:24 am**

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

السلام عليكم ورحمة الله وبركاته

الحب احساس

بااارك الله فيك ع المجهود الطيب

تقبلي خاااالص تحيااااتي

منتديات مسجد الشيخ أمير محمد البربغي

قصيدة مدح الامام علي ( عليــــــــــــــه السلام)

قصيدة مدح الامام علي ( عليــــــــــــــه السلام)

رد: قصيدة مدح الامام علي ( عليــــــــــــــه السلام)

رد: قصيدة مدح الامام علي ( عليــــــــــــــه السلام)

رد: قصيدة مدح الامام علي ( عليــــــــــــــه السلام)