شوف الفرق بين بنات العلمي وبنات التجاري..

[...|زمردة|...]

شوف الفرق بين بنات العلمي وبنات التجاري..

بنات التجاري دايما مبتسمين ومفرفشين وشاقين الحلج من كثر الضحك ...
بنات العلمي دايما مكتئبين وماعندهم وقت يضحكون بس عندهم وقت يصيحون ...

بنات التجاري عادي عندهم يروحون المدرسة والا لا والافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه ...

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ...

بنات التجاري يطلعون من الامتحان وهم شاقين الحلج لان ماتفرق معاهم الدرجات
بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر...


اذا شفت بنات دببة تأكد انهم بنات التجاري ماوراهم دروس ولا شغل الا الاكل
و اذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ...

بنات التجاري وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا طايحيلك حش فيها أو في البنات ...
بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ...

بنات التجاري دايما تشوفوهم منحاشين من مدرساتهم وقاصين حصصهم ويتمشون في ساحة المدرسة كأنهم على الكورنيش ...
بنات العلمي مانشوفهم في الساحة إلا وقت الفرصة ونادرا طبعا والمدرسات أهما إللي ينحاشون منهم بس لا مفر طبعا للمدرسات ...

وقت الرحلات ما تلقى غير بنات التجاري لأن بنات العلمي مو مستعدين يطوف عليهم شي من دروسهم ...



تحياتي واتمنى الموضوع عجبـكم

ن ـــــــور الهدى

[بربغي]

اللهم صل على محمد وآل محمد وعجل فرجهم

هههههههههههههههههههه

فروقات حقيقية

بارك الله بكم شكراً لكم على مجهودكم الطيب
تقبلوا خالص تحياتي

[...|زمردة|...]

هههههههههههههههههه

شكرا لمروركم الكريم وردودكم الطيبة

[مراقب]

هههههههههههههههههههههههه
ههههههههههههههههههههههههههههههه



بنات التجاري فالينها فل

مكشوووره اختي نور الهدى





الله يساعدكم

[...|زمردة|...]

هههههههههههه

مشكوره اختي عالمرور الطيب..