طبق العرايس محبوب عند الكل
وطريقته سهله ومهضوم
ويالله بنات شدوو الهمه
مقاديرها :
ربع كيلو لحم مفروم ناعم جدا + 15 عرق بقدونس مفروم ناعم + بصلة متوسطة مفرومه ناعم جدا + طماطه متوسطة مفرومه مكعبات صغيرة جدا + ملح + بهار اسود + قليل جدا من البهارات + ملعقتين كبار زيت زيتون(اختياري فلفل احمر بودره للي يحب الحر شوي بس).
يعني تييبين اللحم مفروم ناعم وتفرمين كل شي على حده وتخلطينهم بعدين كلهم سوا بيدج زين تخلطينهم باليد.
الطريقة :
ييبي خبز لبناني سميك شوي مو الرقيق
تييبينه وتفتحينه من جهة وحده شوي وتمدين فيه شوية من اللحمه وترصينها داخل الخبزة زين بعدين تسكرينها وترصينها بيدج وتدهنين على ايدج مسحة زيت زيتون وتدهنين الخبزة من الامام والخلف بس لا تمليها زيت بس مسح بايدج على خفيف
ثم تقسمينها لاربع اقسام بعدين تلفين كل خبزة بالسيلفر (القصدير) وتحكمين عليها الاغلاق وتخلين اللفه المفتوحه من فوق عشان ما ينزل ماء اللحمه لتحت بالفرن
وتدخلينهم بصينية الفرن على الطبقة الوسط وتكونين مشغله الغاز من فوق ومن تحت على حرارة 180 - 200 درجة وبعد 20 دقيقة جيكي على وحده منهم اذا احمرت ولا لأ اذا ما حمرت اتركيها بعد شوي ممكن تاخذ وقت 30 دقيقة على حسب نوعية الفرون ونوعية الخبز اوتشوينها بالفحم بعد ماتحطينها بالشبك
بعد ما تطلعينهم من الفرن خليهم بالسيلفر مسكر عليهم شوي عشان ما ينشف الخبز او ييبس وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون واحكمي الاغلاق عليهم لمدة لا تقل عن خمس دقايق، عشان تطرى الخبزة شوي اذا كانت محمصة والطعم احلى من اي مطعم واغلبي فيه المطاعم
http://dir.gulfson.com
بالهنا والعافية
تقبلوا خالص تحياتي